వివాదంలో మోడీ క్యాబినెట్ మంత్రి కతేరియా

Posted: 11/14/2014 12:39 PM IST

Minister ram shankar katheria in row over charge of marks forgery

ప్రధాని మంత్రి నూతనంగా ఈ నెల 9న విస్తరించిన క్యాబినెట్ లో 13 మంది కళంకిత మంత్రుల సంఖ్య పెరుగుతూనే వుంది. జాతీయ బ్యాంకులకు 316 కోట్ల రూపాయలను ఎగనామం పెట్టిన సుజనా చౌదరి మొదలు పెట్టుకుంటే మొత్తం 13 మంది కేంద్ర మంత్రలు మోడీ సర్కారుకు అపఖ్యాతి తీసుకువచ్చేలా కనబడుతున్నారు. 13 మంది కేంద్ర మంత్రులు కళంకితులని కాంగ్రెస్ ఆరోపించింది. ఇప్పుడు వీరి జాబితాలోనే మరో మంత్రి వచ్చి చేరారు. కొత్తగా కేంద్ర మంత్రివర్గంలో చేరిన మానవ వనరుల అభివృద్ధి శాఖ సహాయ మంత్రి రామ్ శంకర్ కతేరియా ఫోర్జరీ వివాదంలో చిక్కుకున్నారు.

ఆయన డిగ్రీ మార్కుల జాబితా ఫోర్జరీకి పాల్పడినట్టు ఆరోపణలు వచ్చాయి. అయితే ఈ ఆరోపణలను మంత్రి కతేరియా కొట్టిపారేశారు. ఫోర్జరీ మార్కుల జాబితాకు సంబంధించి 2010లో కతేరియాపై పోటీ చేసిన బీఎస్‌పీ అభ్యర్థి అలహాబాద్ హైకోర్టులో కేసు నమోదు చేశారు. ఈ అంశాన్ని హైకోర్టు ఆగ్రా సెషన్స్ కోర్టుకు రిఫర్ చేసింది. ఈ నెల 26న ఈ కేసు విచారణకు రానుంది. అయితే ఫోర్జరీ ఆరోపణలను కొట్టిపారేసిన కతేరియా.. తనపై బీఎస్‌పీ ప్రభుత్వం రోజుకు నాలుగు కేసులు పెట్టేదన్నారు. బీఎస్‌పీ అధికారంలో ఉన్నప్పుడు కూడా ఎన్నో కేసుల నుంచి తాను బయటపడ్డానని, దీని నుంచి కూడా బయటపడతానని విశ్వాసం వ్యక్తం చేశారు.

జి.మనోహర్