ధాయాధుల భేటీతో 40 మంది భారతీయులకు విముక్తి..

Posted: 11/28/2014 02:39 PM IST

పాకిస్థాన్ ప్రధాని నవాజ్ షరీఫ్ తో ప్రధాన మంత్రి నరేంద్ర మోదీ భేటీ తరువాత ఒక్క రోజులోనే పాకిస్థాన్ జైళ్లలో మగ్గుతున్న 40 మంది భారతీయ జాలర్లకు విముక్తి లభించింది. పాకిస్థాన్ రాజధాని కరాచీలోని మలిర్ జైల్లో మగ్గుతున్న 40 మంది భారతీయులను పాకిస్థాన్ ప్రభుత్వం విడుదల చేసింది. వీరిలో 36 మంది జాలర్లు కాగా, మరో నలుగురు ఇతరులని ఈది స్వచ్ఛంద సంస్థ అధికార ప్రతినిధి అన్వర్ కాజ్మీ తెలిపారు. పాకిస్థాన్ ప్రధాని నవాజ్ షరీఫ్ తో మోడీ సార్క్ శిఖరాగ్ర సదస్సులో భాగంగా మాట్టలాడటంతోనే ఈ పరిణామాం చోటుచేసుకుందని ఆయన అభిప్రాయపడ్డారు.

భారతీయులందరినీ వాగ్హా సరిహద్దు వరకు తీసుకురానున్నట్లు తెలిపారు. దీంతో పాటు జైళ్లు నుంచి విడుదలైన 40 మంది కుటుంబాలకు కొత్త బట్టలతో పాటు 10 వేల రూపాయలను కూడా అందజేయనున్నామని అన్వర్ కాజ్మీ తెలిపారు. మల్లార్ జైలు నుండి విడుదలైన భారతీయులందరినీ లాహోర్ వరకు తీసుకెళ్లి అక్కడ భారత అధికారులకు అప్పగించనున్నామని తెలిపారు. ఏడాది నుంచి పాకిస్థాన్ జైలులో మగ్గుతున్న భారతీయ జాలర్లకు విముక్తి లభించడంతో.. వారి కుటుంబాలు కూడా ఆనందం వ్యక్తం చేస్తున్నాయి. ఈ ఏడాది మే నెలలో ప్రధాని నరేంద్రమోడీ ప్రమాణస్వీకారోత్సవానికి వచ్చిన నవాజ్ షరీప్.. ఆ తరువాత పాక్ జైళ్లలో మగ్గుతున్న 151 మంది భారతీయ జాలర్లకు విముక్తి కల్పించారు.
 
జి.మనోహర్