జమ్మూ కాశ్మీర్ లో 58 శాతం, ఝార్ఖండ్ లో 60.89 శాతం పోలింగ్

Posted: 12/10/2014 09:24 AM IST

అనేక ఉద్రిక్తల నడుమ జమ్మూ కాశ్మీర్ లో మంగళవారం జరిగిన మూడో విడత పోలింగ్ ప్రశాంతంగా ముగిసింది. ఈ విడత ఎన్నికలలో 58 శాతం పోలింగ్ నమోదైనట్లు ఎలక్షన్ కమిషన్ ప్రకటించింది. పోలింగ్ జరిగిన అన్ని ప్రాంతాలలో సాయంత్రం పోలింగ్ ముగిసేవరకు ఓటర్లు బారులు తీరారు. ఉగ్రవాదులు దాడులు జరిపిన యూరి ప్రాంతంలో కట్టు దిట్టమైన భద్రతా సిబ్బంది మధ్య పోలింగ్ జరిగింది. అనూహ్యంగా ఈ ప్రాంతం లో అత్యధిక సంఖ్యలో ఓటర్లు ఓటు హక్కును వినియోగించుకున్నారు.  అక్కడక్కడా స్వల్ప సంఘటనలు మినహా మొత్తంమీద మూడవ దశ ఎన్నికల పోలింగ్ ప్రశాంతంగా ముగిసింది.  చిట్ట చివరివైన నాలుగో దశ పోలింగ్  డిసెంబర్ 14 న జరగబోతుంది.

ఝార్ఖండ్ రాష్ట్రంలోని 17 జిల్లాలలో జరిగిన మూడో దశ పోలింగ్ ఎటువంటి అవాంతరాలు కలగకుండా ప్రశాంతంగా ముగిసింది. సిల్లి అసెంబ్లీ నియోజకవర్గంలో అత్యధికంగా మొత్తం 74. శాతం.., రాంచిలో అత్యల్పంగా 44.44 శాతం పోలింగ్ నమోదయ్యింది. రాష్ట్రము మొత్త్తంమీద 17 నియోజకవర్గాలలో 60.89 శాతం పోలింగ్ నమోదయినట్లు ఎలక్షన్ కమిషన్ అధికారులు ప్రకటించారు.   

హరి