ఆగస్టు తొలివారంలో భారతీయ విఫణిలోకి మారుతి ఎస్-క్రాస్

Posted: 07/18/2015 08:06 PM IST

మారుతి సుజుకీ నుంచి మరో కొత్త ప్రీమియం కారు ఆగస్టు తొలివారంలో భారతీయ విఫణిలోకి అడుగుపెట్టనుంది. అదే మారుతి సుజుకీ ఎస్-క్రాస్. ఇప్పటి వరకు సామాన్య మద్య తరగతి ప్రజలను టార్గెట్ గా చేసుకుని వారికి అనువైన ధరల్లో కార్లను అందించిన మారుతి సుజుకీ.. ఇకపై ప్రిమియం కార్లను అందించందేకు కూడా శ్రీకారం చుడుతుందని మారుతి సుజుకీ ఇండియా ఎగ్జిక్యూటివ్ డైరెక్టర్ ( మార్కెటింగ్ అండ్ సేల్స్) అర్.ఎస్, కల్సి చెప్పారు. ఇలాంటి ప్రీమియం కార్లను నెక్సా బ్రాండ్ అవుట్ లెట్ల ద్వరా విక్రయిస్తామని వివరిచారు. ఎస్-క్రాస్ ధర రూ. 8 లక్షల నుంచి 12 లక్షల మధ్య వుండవచ్చని అంచనా. అయితే బేసిక్ మోడళ్లోనూ ఎయిర్ బ్యాగ్స్ వుండటం కూడా గమనించాల్సిన అంశమే.

ఇక మరోవైపు ఆషాఢం మాసం సందర్భాన్ని పురస్కరించుకుని అకర్షణీయమైన ఆఫర్లను అందిస్తుంది మారుతి సుజుకీ, మారుతీ సుజుకీ ఉత్సాదనల్లో ఏదేని (ఎంపిక చేసిన మొడళ్ల) కారును ఈ నెల 31 లోపు కొనుగోలు చేసేవారికి ఒక బహుమతి ఖచ్చితంగా లభిస్తుందని తెలిపింది. కారును కోన్న వారికి ముందుగా ఒక స్ర్కాచ్ కార్డును ఇస్తామని కంపెనీ తెలంగాణ , ఆంధ్రప్రదేశ్ రీజనల్ మేనేజర్ మునీష్ బాలి పేర్కోన్నారు. కొనుగోలుదారులకు 34 వేల విలువైన ఖచ్చితమైన మూడు బహుమతులతో పాటు బంపర్ డ్రాలో కొత్త స్విస్ట్ డీజిల్ కారును గెల్చుకునే అవకాశముందని కూడా వివరించారు.

జి. మనోహర్