వారంతంలో నష్టాలతో ముగిసిన స్టాక్ మార్కెట్లు

Posted: 08/07/2015 07:37 PM IST

విదేశాల నుంచి వచ్చిన వ్యతిరేక పవనాలకు తోడు మార్కెట్లలో అమ్మకాల ఒత్తడి నేపథ్యంలో వారాంతంలో స్టాక్ మార్కెట్లు నష్టాలను చవిచూశాయి. ముఖ్యంగా అమెరికా ఫెడ్ రిజర్వలు వడ్డీ రేట్లను తగ్గిస్తుందన్న వార్తల నేపథ్యంలో మదుపురులు అమ్మకాలకు మొగ్గుచూపడంతో దేశీయ సూచీలు క్రమంగా నష్టాల బాటలో పయనించాయి. ఇవాళ ఉదయం ప్రారంభంతోనే స్టాక్ మార్కెట్లు భారీ నష్టాలతోనే ప్రారంభమయ్యాయి. సెన్సెక్స్ 62 పాయింట్ల నష్టాన్ని చవిచూడగా, అటు నిష్టీ కూడా 24 పాయింట్ల నష్టాన్ని నమోదు చేసుకుంది. దీంతో మార్కెట్లు ముగిసే సమయానికి సెన్సెక్స్ 28 వేల 236 పాయింట్ల వద్ద ముగియగా, నిప్టీ కూడా  8565 పాయింట్ల వద్ద ముగిసింది.

బ్యాంకింగ్‌ రంగ సూచీలు అధికంగా నష్టపోవడంతో మార్కెట్లు నష్టాల్లో పయనించడానికి కారణమయ్యాయి. దీంతో పాటు క్యాపిటల్ గూడ్స్, మెటల్స్ సూచీలు కూడా భారీ నష్టాలను చవిచూశాయి. వీటితో పాటు ఎఫ్ఎంజీసీ, హెల్త్ కేర్, ఐటీ, పబ్లిక్ సెక్టార్ యూనిట్లు, టెక్నాలజీ, చిన్నతరహా, మధ్యతరహా పరిశ్రమలకు సంబంధించిన సూచీల షేర్లు కూడా స్వల్ప నష్టాలను మూటగట్టుకున్నాయి. అయిల్ అండ్ గ్యాస్, అటో, కన్జూమర్ డ్యూరెబుల్స్ సూచీలు లాభాలను ఆర్జించాయి.  ఈ క్రమంలో బిహెచ్ఇఎల్, కోల్ ఇండియా, ఎస్ బి ఐ, బ్యాంక్ ఆఫ్ బరోడా, ఏషియన్ పెయింట్స్ తదితర సంస్థల షేర్లు నష్టాలను చవిచూడగా, ఓ.ఎన్.జీ.సీ, టాటా మోటార్స్, వేదంతా, బిపిసీఎల్, గ్రాసిమ్ తదితర సంస్థల షేర్లు అధిక లాభాలను గడించాయి.

జి.మనోహర్